Өңір басшысының Қонаев қаласы тұрғындарымен кездесуі кезінде трансформаторлы қосалқы стансалардың бірінде оқыс оқиға болып, салдарынан қала бойынша электр жарығы тұйықталып қалды.
Қала әкімі Нұрлан Құматаевтың айтуынша, жасы 30-40 шамасындағы азамат трансформаторға кіріп, қауіпсіздік шараларын сақтамағандықтан тоқ соғып, өрт шыққан.
«Салдарынан қала бойынша бірнеше аудандардағы жарық өшіп қалып, облыс әкімінің тұрғындарымен кездесуі уақытша тоқтатылды. Азаматтың стансаға не үшін кіргені белгісіз. Қазіргі таңда құқық қорғау органдары оқиғаның жай-жапсарын зерттеп жатыр», — деді қала әкімі Нұрлан Құматаев.
Жұртшылықпен басқосу бүгін сағат 11.00-де басталуы керек болған. Алайда қала әкімі Нұрлан Құматаев есептік баяндамасын оқып жатқанда жарық өшіп қалды. Сағат 12.00-де жарық қосылып, кездесу жалғасты.
Денесін күйік шалған азамат қазір ауыр халде ауруханада жатыр.
Посмотреть эту публикацию в Instagram
