Мұнымен қоса, кейбір елді мекендерде денсаулық сақтау ұйымдары жалға берілетін және бейімделген үй-жайларда орналасқан.
Осыған байланысты «AMANAT» партиясы бар күш-жігерін халыққа медициналық көмектің қолжетімділігі мен сапасын арттыруға, ақ халаттылардың жетіспеушілігі мәселесін реттеуге бағыттамақ. Осы мақсатты алға қойып, кешенді жұмыс жоспарын құрды. Бұл туралы Алматы облыстық мәслихаты депутаттығына үміткерлер Қуат Байғоджаев, Дәулет Жарасбаев, Сайдулла Сарсеков Еңбекшіқазақ ауданындағы Шелек ауылының тұрғындарымен кездесуде айтты.
Партияның алға қойған міндеттемелері облыстық «AMANAT» партиясының сайлауалды бағдарламасында тізбектелген. Кандидаттардың айтуынша, 2027 жылға дейін облыста 58 медициналық нысан салынады.
«20 дәрігерлік амбулатория, 19 фельдшерлік-акушерлік пункт, 16 медициналық пункт, 3 емхана бой көтереді. Әсіресе, осындай шағын ауылдарда 2025 жылға дейін 38 жаңа ғимарат салынады. Сонымен қатар, тозған емханаларды да жаңғыртуды көздеп отырмыз», − деді жиында сөз алған Қуат Байғоджаев.
Кездесуде өзге кандидаттар да кезек-кезек сөз алды. Сайлауалды бағдарламада айтылған өзгерістердің барлығы тұрғындардың өмір сүру сапасын жақсартып, олардың әлеуметтік жағдайының жақсартуына бағытталғанын атап өтті. Соған орай, баспанамен қамту, жұмыс орындарын ашу, инфрақұрылымды жақсарту үшін нақты істер қолға алынбақ.
Шара соңында кандидаттар сайлаушыларды 19 наурыз күні өтетін саяси науқанға белсенді атсалысуға шақырды.
Алматы облыстық мәслихаты депутаттарының сайлауында партиялық тізімді ұсынған «AMANAT» партиясы Сайлау қорының қаражатынан төленді.
