Алматы облыстық полиция департаменті 14 қарашада Есік қаласында қайғылы жол апаты болғанын мәлімдеді, деп хабарлайды alataunews.kz.
Ведомство мәліметінше, 18 жастағы жүргізуші төрт жаяу жүргіншіні қағып, оқиға орнынан қашып кеткен.
Жол апатының салдарынан 16 жастағы қыз ауыр жарақат алып, 15 қараша күні таңертең қайтыс болды.
Жедел іздестіру шаралары барысында күдікті ұсталып, уақытша ұстау изоляторына қамалған.
