Азия атқыштар конфедерациясы (ASC) жаңартылған рейтингін жариялап, онда стенд атудан екі қазақстандық спортшы бірінші орынды иеленді, деп хабарлайды alataunews.kz.
Ерлер арасында Эдуард Ещенко «скит» жаттығуында 1 629 ұпай жинап, көшбасшылық орнын сақтап қалды. Әйелдер арасында Әсем Орынбай осы жаттығуда 1 722 ұпаймен Азия рейтингінің бірінші сатысына көтерілді. Сонымен қатар Зоя Кравченко 1 130 ұпаймен жетінші орынды иеленді.
«Трап» жаттығуында қазақстандық Мария Дмитриенко 1 200 ұпай жинап, рейтингте бесінші орынға орналасты.
