Қазақстанда жүргізушінің өз бетінше даярлаудан өтуі және онлайн оқыту алынып тасталды, деп хабарлайды alataunews.kz.
ІІМ әкімшілік полиция комитетінің төрағасы Қайсар Сұлтанбаев жүргізушінің өз бетінше даярлаудан өтуі және онлайн оқыту алынып тасталғанын, автомектептер мен курсанттарды тіркеу ішкі істер министрлігінің ақпараттық жүйесінде жүзеге асырылатынын және бұл курстарды бітіргені туралы куәліктерді мерзімінен бұрын беру және оларды бұрмалау мүмкіндігін жоятынын мәлімдеді.
Қайсар Сұлтанбаевтың айтуынша, жүргізуші курсын бітіргені туралы сертификат толығымен электрон форматқа ауыстырылады.
ІІМ автомектептерге жүргізушілерді даярлау жөніндегі қызметті жүзеге асыруға рұқсат берудің лицензиялау тәртібіне қайта оралуды жоспарлап отыр.
