Қазақстан Республикасының Бас прокуратурасы мен ІІМ Интерпол қызметкерлері Сыртқы істер министрлігінің қолдауымен, Түркиядан ірі көлемдегі психотроптық заттардың аналогтарын заңсыз сақтап, сату мақсатында айыпталған Қазақстан азаматын экстрадициялады, деп хабарлайды alataunews.kz.
Оқиға 2022 жылдың желтоқсанында Астанада басталды. Жедел іздестіру шаралары барысында күдіктіден 17 қапшықша меткатинон тәркіленген. Қылмыс жасағаннан кейін ол жасырынып, халықаралық іздеу жарияланған. Биыл қазанда күдікті Анталия қаласында ұсталып, Қазақстанға экстрадицияланды.
Қазіргі уақытта күдікті уақытша ұстау изоляторына қамалды. Сот шешімімен оның мүлкі тәркіленіп, 10 жылдан 15 жылға дейін бас бостандығынан айырылуы мүмкін.
