Синоптиктер 11 қарашада Қазақстанның алты өңірінде қарлы боран болатынын болжады, деп хабарлайды alataunews.kz.
Астанада жаяу бұрқасын күтіледі. Түнде және таңертең тұман мен көктайғақ болады, оңтүстік-батыстан соққан жел солтүстік-батысқа ойысып, екпіні 15-20 м/с-қа жетеді.
Алматы облысының солтүстігінде оңтүстік-шығыстан жел соғып, күші 15-20 м/с болады.
Батыс Қазақстан облысында түнде көктайғақ болып, кей жерлерде тұман түседі. Орал қаласында да түнде және таңертең тұман байқалады.
Жетісу облысында түнде және таңертең желдің екпіні 15-20 м/с, кей жерлерде 25 м/с-қа дейін жетеді.
Ақмола, Ақтөбе, Қызылорда, Қостанай, Павлодар, Маңғыстау, Солтүстік Қазақстан, Түркістан, Жамбыл облыстарында да ауа райы құбылмалы болып, кей жерлерде қарлы боран, көктайғақ, тұман және күшті жел соғады.
