Кәсіпқой боксшы Жанқош Тұраровқа қатысты «Зорлау» бабы бойынша қозғалған қылмыстық іс тоқтатылған. Бұл туралы Алматы полиция департаменті баспасөз қызметі мәлімдеді, деп хабарлайды Alataunews.kz.
«Іс жүргізу аясында сот-медициналық және сот-биологиялық сараптама жүргізіліп, қорытындысы бойынша зорлау дерегі расталмады. 2024 жылғы 20 қазанда Қазақстан Республикасы Қылмыстық іс жүргізу кодексінің 35-бабы 1-бөлігінің 2-тармағы негізінде сотқа дейінгі тергеуді тоқтату туралы түпкілікті шешім қабылданды», — делінген полиция департаменті жауабында.
Полиция өкілдері Әуезов аудандық прокуратурасы бұл шешіммен келіскенін мәлімдеді.
