1 қарашадан бастап Алматыдағы «Медеу» мұз айдыны техникалық режимде жұмысын бастайды, ал 2 қарашада жаппай сырғанау маусымының салтанатты ашылуы өтеді, деп хабарлайды alataunews.kz.
Ашылу шарасы 12:00-ден 15:30-ға дейін жалғасады, онда қазақстандық эстрада жұлдыздарының концерті, кешкі конкурс, диджей ұйымдастырған дискотека және түрлі сыйлықтар болады.
Жаңа маусымда қонақтарға жаппай сырғанау, мерекелік шаралар, спорттық жарыстар, коньки жалға алу, демалыс аймағы және фастфуд пункттері ұсынылады. Ұйымдастырушылар билет алуды www.medeu.kz сайтында онлайн түрде жүргізуге және қоғамдық көліктерді пайдалануға кеңес береді. Ашылу күні №12 автобус бағыты «Медеуге» дейін ұзартылып, жұмыс күндері 00:00-ге, ал демалыс күндері 01:00-ге дейін қызмет етеді.
