Су ресурстары және ирригация министрі Нұржан Нұржігітов пен Францияның Қазақстандағы елшісі Сильван Гиоге Іле-Балқаш бассейнін зерттеу және су ресурстарын басқаруды жақсарту мәселелерін талқылады, деп хабарлайды alataunews.kz.
Кездесу барысында министрлік Францияның Даму агенттігі (AFD) және Геологиялық және тау-кен зерттеулер бюросымен (BRGM) меморандум мен үшжақты келісімге қол қоюға дайындалып жатқаны белгілі болды.
Бұл келісім аясында жерасты суларын зерттеу, мониторинг және су шығынын басқару бойынша бірлескен зерттеулер жүргізілетін болады. Француз компаниялары Қазақстандағы су шаруашылығы құрылысын салу және жаңарту жобаларына қатысуға, сондай-ақ суды тиімді басқару бағытында серіктестік орнатуға мүдделілік танытып отыр.
