Мемлекет басшысы Қасым-Жомарт Тоқаев «Қазақстан Республикасының мемлекеттік наградаларымен наградтау туралы» Жарлыққа қол қойды, — деп хабарлайды alataunews.kz.
- Отандық ғылымды дамытудағы айрықша жетістіктері, сондай-ақ қоғамдық қызметтегі аса үздік еңбегі үшін жоғары дәрежелі ерекшелік белгісі — «Қазақстанның Еңбек Ері» атағы беріліп, айрықша ерекшелік белгісі — Алтын жұлдыз бен «Отан» ордені «Қазақстан Республикасы Президентінің жанындағы «Қазақстан Республикасының Ұлттық ғылым академиясы» КеАҚ вице-президенті Асқар Серқұлұлы Жұмаділдаевқа тапсырылды;
- Қазақстан Республикасының әлеуметтік-гуманитарлық дамуындағы аса үздік жетістіктері үшін жоғары дәрежелі ерекшелік белгісі — «Қазақстанның Еңбек Ері» атағы беріліп, айрықша ерекшелік белгісі — Алтын жұлдыз бен «Отан» ордені Алматы қаласы, №4 арнайы мектеп-интернат КММ мұғалімі Гүлжанар Молдакерімқызы Нұрпейісова және Орал қаласы, Асан Тайманов атындағы №34 мектеп-гимназия КММ мұғалімі Эльмара Асқарқызы Траисоваға тапсырылды;
- Өндірістік қызметтегі ерекше еңбегі үшін жоғары дәрежелі ерекшелік белгісі — «Қазақстанның Еңбек Ері» атағы беріліп, айрықша ерекшелік белгісі — Алтын жұлдыз Қарағанды облысы, «Шахтерское» ЖШС директоры Георгий Георгиевич Прокопқа тапсырылды.
