Алматы облысы Полиция департаментінде бірқатар кадрлық өзгерістер болды, деп хабарлайды alataunews.kz.
ІІМ басшысының бұйрығымен келесі лауазымды тұлғалар қызметінен босатылды:
- Полиция департаменті бастығының бірінші орынбасары Серік Шалхаров;
- Талғар аудандық полиция басқармасының бастығы Нұржан Күнтүнов;
- Экстремизмге қарсы іс-қимыл басқармасының бастығы Ұлан Байтақов;
- Криминалдық полиция басқармасының бастығы Руслан Смағұлов;
- Ұйымдасқан қылмысқа қарсы күрес басқармасының бастығы Дулат Қайыр және оның орынбасары Жанат Омаров.
Жедел кеңестің қорытындысында Ішкі істер министрі өңірдегі құқықтық тәртіп пен қоғамдық қауіпсіздікті қамтамасыз ету бойынша нақты тапсырмалар берді. Сонымен қатар, Талғар ауданында кәмелетке толмаған баланы өлтіру дерегіне қатысты тергеу жұмыстарын жеке бақылауға алып, нақты нұсқаулар берді.
