Шотландияның Абердин қаласында өтіп жатқан кёрлингтен аралас командалар арасындағы әлем чемпионатында Қазақстан ұлттық құрамасы тарихта алғаш рет плей-офф кезеңіне жолдама алды, деп хабарлайды alataunews.kz.
ҚР Туризм және спорт министрлігінің Спортты дамыту дирекциясы мәлімдегендей, 6-турда Қазақстан Украина құрамасын 8:7 есебімен жеңіп, топтағы негізгі қарсылас Швейцарияның жеңілуімен плей-оффқа өтті.
Қазақстанның бұған дейінгі әлем чемпионатындағы көрсеткіштері:
- 2018 жылы – 34-орын (35 команда);
- 2019 жылы – 21-орын (40 команда);
- 2020-2021 жылдары әлем чемпионаты өтпеді.
18 қазанда қазақстандық спортшылар Бельгиямен соңғы турды ойнап, сол күні 1/8 айналым мен ширек финалдық ойындарға қатысады. Жартылай финал мен финал 19 қазанға жоспарланған.
