Алматы облысының прокуроры Берік Адамов Шерзат Болаттың үйінің жанынан қолғаптар мен канистр табылғанын айтты, деп хабарлайды alataunews.kz.
«Бұл трагедия әрқайсымызға әсер етті. Балаңды жоғалту – қиын. Бірақ болған жағдайды салқынқандылықпен, әділ бағалауымыз керек. Бұл істі біз ерекше бақылауда ұстап отырмыз. Өрт болған жерде маңызды дәлелдер жиналып, алты жүзден аса адам сұралды. Оқиға қалай болғанын анықтау үшін бірнеше сараптама тағайындалды. Мамандар өрттің үйдің сыртынан басталғанын, оқыс жағдай болмағанын және сыртқы от көзін қолданылғанын алғашқы қорытынды ретінде шығарды. Оқиға орнынан табылған канистр мен резеңке қолғаптарға зерттеулер жүргізіліп жатыр. Шығын көлемі анықталып жатыр», — деді Берік Адамов.
Прокуратура онлайн режимде сот отырысын өткізу туралы өтініш беретін болады. Сондай-ақ брифингте қақтығыстың бұрын әлеуметтік желілерде айтылғандай, сырадан басталмағанын атап өтілді.
