«ҚазАвтоЖол» ұлттық компаниясы 15 қазанда еліміздің кейбір өңірлерінде күтілетін қолайсыз ауа райына байланысты жүргізушілерге ескерту жасады, деп хабарлайды alataunews.kz.
Компания мәліметінше, ертең Абай, Ұлытау, Қарағанды, Ақтөбе, Павлодар және Шығыс Қазақстан облыстарында жаңбыр аралас қар мен дымқыл қар жаууы мүмкін.
Шымкент қаласында, сондай-ақ Алматы және Жамбыл облыстарында жаңбыр күтіледі.
Осыған байланысты компания жүргізушілерді қауіпсіздік ережелерін қатаң сақтап, жолдағы жағдайды ескеруге шақырды. Қосымша ақпарат алу үшін 1403 байланыс орталығына тәулік бойы хабарласуға болатыны айтылды.
