Президент Қасым-Жомарт Тоқаевқа ұлттық компанияның 2024 жылдың алғашқы 9 айындағы жұмысының қорытындылары және инвестициялық жобаларды жүзеге асыру бойынша атқарылған шаралар туралы есеп берілді, деп хабарлайды alataunews.kz.
«QazaqGaz» ҰК» АҚ басқарма төрағасы Санжар Жаркешов Алматыдағы газ инфрақұрылымының жаңартылуы мен «Талдықорған – Үшарал» магистральді газ құбырының құрылысы басталғанын айтты. Сондай-ақ, Өзбекстанға газ тасымалдау көлемін арттыру мақсатында «Орта Азия – Орталық» жүйесін жаңғыртуға дайындық жүріп жатыр.
Президентке ресурстық базаны кеңейту, геологиялық барлау жұмыстарына шетелдік инвестиция тарту, оның ішінде Chevron компаниясымен жасалған келісімдер туралы баяндалды. Кездесу соңында Тоқаев газ саласын реформалау және халықты газбен тұрақты қамтамасыз ету бойынша нақты тапсырмалар берді.
