Сот «Уақытты кері қайтару» петициясын қарау нәтижесін заңды деп тапты, деп хабарлайды alataunews.kz.
Талап қоюшы Л. «Уақытты кері қайтару» петициясын қарау нәтижесін заңсыз деп тану туралы шағымданып, сотқа жүгінді. Оның айтуынша, петицияны қарау кезінде рәсімдік бұзушылықтар орын алған. Алайда сот іс материалдарын зерделеп, бұл дәлелдерді негізсіз деп тапты.
Петиция Қазақстан Республикасы Әкімшілік рәсімдік-процестік кодексіне сәйкес тіркелген, 50 мың дауыс жинап, ҚР Сауда және интеграция министрлігіне қарауға тапсырылған. Жұмыс тобының құрамы заң талаптарына сай қалыптастырылған, ал Мәжіліс депутаты Е.А.Әбіл топ басшысының орынбасары болып тағайындалған.
Сот петицияны қарау кезінде ешқандай рәсімдік бұзушылық анықталмағанын атап өтті және талап қоюды қанағаттандырудан бас тартты.
