2024 жылдың 9 қазанында Антикор Іле ауданының әкімі Бағдат Қарасаевқа ауыр сыбайлас жемқорлық қылмыстарын жасағаны үшін қылмыстық іс қозғалғанын мәлімдеді, деп хабарлайды alataunews.kz.
Сыбайлас жемқорлыққа қарсы агенттіктің мәліметінше, Қарасаев өрт қауіпсіздігі талаптарын бұзып, санитарлық-эпидемиологиялық рұқсатсыз қатты тұрмыстық қалдықтар полигонын үлестес серіктестікке заңсыз сенімгерлік басқаруға берді деп күдіктелуде. Сондай-ақ, ол полигонды басқару мерзімін заңсыз ұзарту арқылы қызметтік өкілеттіктерін асыра пайдаланды.
Қылмыстық схемаға аудандық бөлім басшылары тартылып, заңсыз әрекеттер облыс экологиясына 204 миллион теңге залал келтірген. Соттың санкциясымен күдікті қамауға алынды, сотқа дейінгі тергеу жалғасуда.
