Алматы облысының полиция департаменті 16 жастағы Шерзаттың өліміне қатысты қылмыстық іс қозғалғанын мәлімдеді, деп хабарлайды alataunews.kz.
4 қазанға қараған түні Талғарда қайғылы оқиға болды. Қолында пышақ пен қаруы бар бір топ адам 16 жастағы Шерзатқа, оның әкесіне және ағасына шабуыл жасаған. Қаза тапқан жасөспірімнің ата-анасы полицияның барлық күдіктіні ұстамағанын айтып, дабыл қақты.
Алматы облысының полиция департаменті кәмелетке толмаған баланы өлтіру фактісі бойынша қылмыстық іс қозғалғанын және барлық қатысушылардың ұсталып, уақытша ұстау изоляторына қамалғанын хабарлады.
Қазіргі уақытта оқиғаның толық мән-жайын анықтау үшін тергеу шаралары жүргізілуде. Қылмыстық іс Ішкі істер министрлігінің ерекше бақылауында.
