АЭС салу жөніндегі референдумға дайындық барысында 24 заң бұзушылық анықталды. Бұл туралы Бас прокурордың орынбасары Жандос Өмірәлиев Орталық сайлау комиссиясында өткен брифингте мәлімдеді, деп хабарлайды alataunews.kz.
Өмірәлиевтің айтуынша, бұзушылықтар негізінен қоғамдық пікірге сауалнама жүргізу ережелерін бұзуымен байланысты. Заң бұзған тұлғалар әкімшілік жауапкершілікке тартылды. 1 қазаннан бастап референдумға қатысты барлық өтініштер дереу қаралуда, оның ішінде заңсыз сауалнама жүргізу мен жасырын үгіт материалдарын тарату туралы төрт өтініш түскен.
