Алматы облысында тағы бір есірткі зертханасы анықталды, деп хабарлайды alataunews.kz.
Жедел-іздестіру шаралары барысында облыстық есірткі қылмысына қарсы күрес басқармасы Талғар ауданында жалдамалы үйде есірткі зертханасын ұйымдастырған 35 жастағы тұрғынды ұстады. Тексеру кезінде 336 грамм мефедрон психотроптық заты, 36 келіден астам прекурсорлар, тұз қышқылы бар канистр және химиялық заттарды синтездеуге арналған реагенттер тәркіленді. Күдікті қамауға алынып, тергеу жалғасуда.
Полиция есірткі және психотроптық заттардың таралуына қатысты мәліметтерді ішкі істер органдарына немесе «102» нөміріне хабарлау қажеттігін ескертті.
