Астанадағы Алматы ауданында орналасқан дәмханада газ баллоны жарылып, ғимарат өртенді, деп хабарлайды alataunews.kz.
Оқиға Ақыртас көшесінде орналасқан екі қабатты тұрғын үйге жапсарлас салынған дәмханада орын алған. Жарылыстан кейін ғимараттың шамамен 60 шаршы метрі опырылып, өрт 15 шаршы метр аумақты қамтыған. Өрт сөндіріліп, 6 адам жедел жәрдем қызметіне жеткізілді.
ТЖМ қызметкерлері қауіпсіздік шаралары ретінде 50 литрлік 4 газ баллонды шығарып, үйінділерді тазалау жұмыстарын жүргізіп жатыр.
