Балқаш ауданында браконьерлік әрекетке барған азаматтар ұсталды, деп хабарлайды alataunews.kz.
26 қыркүйек күні таңертең, сағат 08:30 шамасында, Балқаш аудандық полиция қызметкерлері Бірлік ауылы маңындағы тасжолда УАЗ көлігін тоқтатып, оның жүргізушісі, 58 жастағы Жетісу облысының тұрғынын ұстады. Көлікті тексеру барысында тіркелген аңшы мылтықтары мен Қызыл кітапқа енген қарақұйрық жануарының ұшасы тәркіленді. Көлікте аң аулауға рұқсат құжаты жоқ үш жолаушы болған.
Оқиға бойынша заңсыз аң аулау дерегімен қылмыстық іс қозғалып, күдіктілер уақытша ұстау изоляторына қамалды. Қазіргі уақытта қылмыстың барлық мән-жайы тергелуде.
