Алматы облысының әкімі Марат Сұлтанғазиев өзінің есептік кездесуінде Қарасай ауданындағы өнер мектебінің құрылысына қатысты сұраққа жауап берді, деп хабарлайды alataunews.kz.
Өңір басшысының айтуынша, Қарасай ауданында өнер мектебінің ғимаратын күрделі жөндеу жұмыстары қайта жанданды.
Еске салайық, Мердігер «Даулет-Серпін 603» ЖШС-мен мемлекеттік сатып алу туралы шарт 2023 жылдың 20 қазанында жасалды. Құрылыс мерзімі 8 ай болатын. Бұған дейін нысанның жер теліміне қатысты мәселенің шешілмеуіне байланысты жұмыс тоқтатылған болатын.
Алматы облыстық сотының азаматтық істер жөніндегі алқасының 2024 жылдың 23 мамырындағы заңды күшіне енген Қаулысының арқасында шағымдар қанағаттандырылды. Нәтижесінде құрылыс жұмыстары қайта басталады.
