Мамандар Алматы облысының кейбір ауылдарында краннан ағатын суды тұтынуға болмайтынын ескертті, деп хабарлайды alataunews.kz.
Генетика және физиология институтының маманы Озада Хамдиева Талғар ауданының бірнеше ауылында ауыз судың улы химиялық препараттармен ластанғанын анықтады. Зерттеу нәтижелері көрсеткендей, бұлақ суларында пестицидтер табылған. Бұл суды бақша суаруға қолдануға болады, бірақ ішуге және күнделікті тұрмыста пайдалануға болмайды.
Судың ластануына ескі пестицид қоймалары себеп болған, олар қараусыз қалғандықтан, пестицидтер қоршаған ортаға таралған. Әсіресе Қызылқайрат, Қаракестек, Үмбеталы, Белбұлақ және Амангелді ауылдарында краннан ағатын суда пестицидтердің бары анықталды, сол себепті тұрғындарға краннан су ішпеу ұсынылды.
