Алматы облысы Еңбекшіқазақ ауданында жантүршігерлік жол апаты болып, үш адам қаза тапты, деп хабарлайды alataunews.kz.
Мәлімет бойынша, Талғар-Есік тасжолында Zeekr 001 автокөлігінің жүргізушісі қарсы жолаққа шығып, Daewoo Matiz-бен соқтығысқан.
Салдарынан Daewoo Matiz автокөлігінде отырған екі адам оқиға орнында қайтыс болған. Жүргізушісі аудандық аурухананың жансақтау бөлімінде қайтыс болған.
Жол апатына қатысты қылмыстық іс қозғалды. Zeekr 001 жүргізушісі қамауға алынды. Тергеу амалдары жүргізіліп жатыр.
