Арнайы ұйымдастырылған операция барысында Алматы облысының полицейлері мал ұрлығымен айналысқан күдіктілерді ұстады, деп хабарлайды alataunews.kz.
«Криминалдық полиция қызметкерлері Жамбыл ауданы аумағында екі күдіктіні ұстау бойынша шаралар жүргізді. Қазіргі уақытта олардың үш мал ұрлығына қатысы бар екені анықталды», – деп мәлімдеді облыстық криминалдық полиция басқармасы.
Барымташылар ұрлық жасағанда бір схема бойынша әрекет еткен: қараусыз мал жайылатын жерлерді таңдап, сол жерде малды сойып, етін көліктің жүксалғышына тиеп алып отырған.
Күдіктілер уақытша ұстау изоляторына қамалды. Олардың басқа да ұқсас қылмыстарға қатысы бар-жоғы тексерілуде, тергеу жұмыстары жалғасып жатыр», – делінген полицияның хабарламасында.
