Қазгидромет мәліметінше, алдағы үш күн бойы да жаңбыр жауады.
Қазақстанның көптеген облысында төмен атмосфералық қысым әсерінен өткінші жаңбыр жауып, найзағай ойнап, жел екпіні 15-20 м/с күшейеді, ал еліміздің шығысында, оңтүстік пен оңтүстік-шығыстың таулы аудандарында қатты жаңбыр, бұршақ күтіледі.
«Күндізгі ауа температурасы еліміздің солтүстігінде, шығысында +20+28℃, оңтүстігінде +34+39℃, еліміздің орталығында +25+33℃ дейін, оңтүстік-шығыста +30+38℃ дейін жоғарылайды, ал еліміздің батысында +33+38℃ дейін қатты ыстық болады», — деп жазылған хабарламада.
