Ведомствоның сайтында жарияланған хабарда Қазақстан Республикасы Еңбек кодексінің 84-бабына сәйкес мұсылман күнтізбесі бойынша тойланатын Құрбан айттың бірінші күні демалыс күні болып табылатыны атап өтілді.
Сондай-ақ, Еңбек және халықты әлеуметтік қорғау министрлігі жыл сайын Қазақстанда алдағы жылға мерекелер мен демалыс күндерін белгілейтін Өндірістік күнтізбе жасайтыны айтылады.
«2024 жылдың өндірістік күнтізбесін жасақтау кезінде Қазақстан мұсылмандары діни басқармасы 2023 жылдың 17 қазанында ресми хат жолдап, 2024 жылы Құрбан айт айының бірінші күні 17 маусымға сәйкес келетінін, бірақ оның фазаларына байланысты ауысуы мүмкін екенін айтты», — делінген Қазақстан Республикасы Еңбек және халықты әлеуметтік қорғау министрлігінің баспасөз қызметі таратқан хабарламада.
Бүгін, 2024 жылдың 7 маусымында Қазақстан мұсылмандары діни басқармасы 2024 жылы Құрбан айттың бірінші күні 16 маусымға сәйкес келетінін хабарлады.
«Бұл жексенбі екенін ескере отырып, дүйсенбі, 17 маусымда қосымша демалыс болмайды», — делінген хабарламада.
Ведомство «Қазақстан Республикасындағы мерекелер туралы» заңға сәйкес демалыс күндеріне келетін мерекелер ғана ауыстырылуға жатады деген қорытындыға келді.
