«Қонаев»ӘКК» АҚ Азық-түлік қауіпсіздігі департаментінің директоры Дианна Мұқашеваның ақпарынша, өңірде тұрақтандыру қорын қалыптастыру үшін Үкімет резервінен 958 миллион теңгеден аса қаражат бөлініп, 2 жарым тоннаға жуық 7 түрлі бакалея өнімі алынған.
Нәтижесінде,бөлінген қаржы толық игеріліп, өңір аумағында халық жиі тұтынатын әлеуметтік маңызы бар өнімдерден тапшылық байқалмайды. Мұндай тауарлар облыс бойынша 42 сауда нүктесінде сатылады.
«Бүгінгі күні әлеуметтік маңызы бар тауарлар сатылатын 7 арнайы орын ашуды жоспарлап отырмыз. Жуырда Қонаев қаласында дәл сондай 2 дүкен өз жұмысын бастаған. Ондағы тауарлар бағасы жіті қадағалауда. Тұрақтандыру қоры нарықтағы бағаның өсуі кезінде бағаны жергілікті деңгейде ұстап тұруға мүмкіндік береді. Жалпы алғанда өңір бойынша 40-тан аса сауда орынымен агенттік келісім жасалған. Бізбен жұмыс істеймін деген кәсіпкерлерге әрдайым ашықпыз», — деді Дианна Мұқашева.
