Ауыл шаруашылығы вице-министрі Аманғали Бердалин су тасқынында арам өлген малдың еті қазақстандықтардың дастарқанынан табылмайтынына кепілдік берді.
«Ондай қауіп жоқ, және болуы да мүмкін емес. Сатылымға келген етті сауда нысандарында жұмыс істейтін ветеринарлық зертханалар тексереді», — деді ол.
Министр орынбасарының айтуынша, қазақстандық базарларда өлген малдың еті сатылғаны туралы нақты ақпарат жоқ.
Ведомство қызметкерлері БАҚ-та шыққан жарияланымнан кейін сауда орындарына шығып, тексеру жүргізді — фактілер расталмады.
Фото: informburo.kz
