Байсерке ауылдық округінің тұрғындары 11 мамыр күні жол-көлік оқиғасы болған жол аумағында бағдаршам орнатып, жарық беруді талап етіп отыр.
Тұрғындардың сөзінше, олар аталған учаскеде үнемі жол қауіпсіздігіне қатысты күрделі мәселелерге тап болады.
«Осы жылдың 21 мамырында Іле ауданы Байсерке ауылының тұрғындары 3-5 шақырым учаскесінде облыстық маңызы бар „Алматы — Жетіген — Қапшағай су қоймасы“ жолын жапты. Оларды талабы — бағдаршам орнату және қажетті жол инфрақұрылымын қамтамасыз ету. Қазіргі уақытта облыстың уәкілетті органдары қажетті шараларды қабылдап жатыр», — деп хабарлады Алматы облысының әкімдігінен.
