Жағажай аумағын, саябақтар мен скверлерді ретке келтіру жұмыстарын мемлекеттік ұйымдардың, түрлі мекеме қызметкерлері мен облыс тұрғындары жүргізді. Қонаев қаласының саябақ аймағына жас көшеттер отырғызылды.
««Таза Қазақстан» республикалық акциясына облыс бойынша 300 мыңнан астам адам қатысты. Жергілікті атқарушы және орталық мемлекеттік органдардан 18 700 адам, облыс кәсіпорындары мен ұйымдарынан 28 000, жалпы 250 мыңнан астам тұрғын қатысты. Облыстың әрбір тұрғынын осындай ауқымды экологиялық акцияға қатысуға және жалпы қала мен облыстың тазалығына өз үлесін қосуға шақырамын», — деп атап өтті Марат Сұлтанғазиев.
Сенбілік барысында облыс әкімі 4 және 7 саяжай алаптарының тұрғындарымен кездесті. Газ және сумен жабдықтау, жолдарды жөндеу мәселелерін көтерген тұрғындардың ұсыныстарын тыңдады. Кездесу барысында жер учаскелеріне, көлікке, мектептер мен балабақшаларға қатысты мәселелер көтерілді. Барлық сұрақтарды өңір басшысы тыңдап, тұрғындарға нақты түсініктемелер берді.
