Толассыз жауған жаңбыр салдарынан барлығы 35 ауланы су басқан. Елді мекендерді, жолдарды, басқа да нысандарды су басқан жоқ. Өзен арналары бойындағы су ағыны тұрақты.
«Облыста ірілі-ұсақты 310 су қоймасы бар. Қапшағай, Күрті, Бартоғай, Бестөбе сияқты ірі су қоймаларын толтыру әдеттегідей жүргізілуде. Бүгінгі күні толып кету деңгейі 44%-дан 99%-ға дейін. Барлығы бақылауда. Былтырғы комиссия отырысында 2024 жылғы су тасқыны кезеңіне дайындық мәселесі талқыланған болатын. Жұмыс уақытылы аяқталды, биыл су тасқыны кезінде ешқандай оқыс оқиға болған жоқ», — деді спикер.
