Мектеп өкілдерінің айтуынша, үш күннің ішінде 105 оқушының ата-анасы өтініш беріп үлгерген.
«Баланы бірінші сыныпқа қабылдау үшін ата-анасының ЭЦҚ кілті, туу туралы куәлігі және денсаулық паспорты сияқты қажетті құжаттарды алып келсе жеткілікті. Біз осы жерде өзіміз тіркеп береміз. Балаларды тіркеу кезінде жас ерекшеліктеріне қарап жатырмыз. Бірақ балаларын 6 жасқа толмай беремін десе де ата-аналардың өз еркінде. Оған ешқандай тыйым жоқ. Қазірдің өзінде үш күннің ішінде 105 оқушыны қабылдап үлгердік», — деп атап өтті Қонаев қаласының орта мектеп-гимназиясы директорының оқу-ісі жөніндегі орынбасары.
Төменде оқушыларды 1 сыныпқа қабылдауға қажетті құжаттар тізімін ұсынамыз:
Баланың денсаулық паспорты;
Форма 063 анықтамасының көшірмесі;
Мектеп формасымен түскен 3х4 фотосурет;
ЭЦҚ кілт;
Баланың туу туралы куәлігінің көшірмесі.
