Үкімет шегірткелердің жаппай таралуының алдын алуға, жайылымдарға зиянын тигізбеуге, ауыл шаруашылығы дақылдарының жойылуына, сондай-ақ көрші мемлекеттердің іргелес аумақтарына көшуіне жол бермеу үшін шаралар қабылдап жатыр. Осы мақсатта химиялық өңдеу жұмыстарын жүргізу бойынша шұғыл шығындарға 3,9 млрд теңге бөлінді.
Елімізде кейінгі жылдары үйірлі шегірткелердің таралу алаңы ұлғайғаны байқалады. Мысалы 2020 жылы – 514 мың га, 2021 жылы – 626 мың га, 2022 жылы – 975 мың га болған.
2023 жылы таралу алаңы 1 585 мың га болады деп болғанғанымен, іс жүзінде 1 616 мың гектар өңделді.
2023 жылы республикалық бюджеттен 1 270,6 мың га алаңды өңдеуге 4,2 млрд теңге бөлінген еді. Алайда 2024 жылы нақтыланған жалпы болжам бойынша шегірткенің таралу алаңы ұлғайып, 2,5 млн га құрады. Бұл өткен жылмен салыстырғанда шамамен 1 млн гектарға артық.
Бөлінген қосымша қаражат 1,3 млн га алаңда зиянкес үйірлі шегірткеге қарсы химиялық өңдеу жұмыстарын жүргізуге бағытталады.
