Маманның айтуынша, негізінен ісікке шалдыққандардың жас мөлшері 45-50 жастағы әйелдер. Ал қазір 15-20 жастағы қыздарда да кездеседі.
Саяхат Олжаев аталған ісіктің жасару себептерін жыныстық өмірдің ерте басталуы мен серіктестердің жиі өзгеру, ерте алғашқы жүктілік пжәне имунндық тапшылықпен байланыстырды.
Алматы облысы бойынша қатерлі ісікпен 10897 науқас тіркелген. Ал, 1083 науқас жатыр мойны ісігі бойынша есепте тұр. Былтыр 122 әйел ісікке шалдыққан.
«Вакцина 10 жас пен 45 жас аралығындағы қыз-келіншектерге егіледі. Егер екпе бойжеткен тұрмыс құрып, алғашқы жыныстық қатынасқа түскенге дейін жасалса, ісіктің алдын алу мүмкіндігі артады. Қыз-келіншектер денсаулықтарына жауапкершілікпен қарап. Тиісті тексерістен уақытылы өтіп тұруға кенес береміз», — дейді Саяхат Таурбекұлы.
Былтыр өңірде 59488 әйелге тексеріс жоспарланса, 54119 әйел скринингтен өткен.
