«6-10 қазан аралығында Балқаш көлінде рейдтік іс-шаралар жүргізілді. Нәтижесінде табиғатты қорғау заңнамасын бұзудың 5 фактісі анықталды», — деп жазды инспекция.
Аталған фактілер бойынша «Балқаш балық» фирмасы ЖШС балықшыларына қатысты 5 әкімшілік іс қозғалды. Оларға 86 мың 250 теңге көлемінде айыппұл салынды.
«Балықшылар табиғатқа келтірілген 548 мың теңгеден астам залалдың орнын толтыруы қажет. Рейдтік шаралар әлі де жалғасады», — делінген хабарламада.
