«Ауданның бірінші жартыжылдықтағы қорытындысы бойынша инвестициялар көлемі 8,5%-ға өсіп, 9,9 млрд теңгені құрады, бюджеттен тыс инвестициялардың үлесі шамамен 50%-ға жетті. Өнеркәсіп өндірісі 13,7%-ға артып, 12,7 млрд теңгені құрады. Бұл ретте «Қорғас – Шығыс қақпасы» АЭА-да 30 жобаны іске асыру жоспарлануда. Бұл аудан экономикасына шамамен 505 млрд теңге инвестиция тартуға мүмкіндік береді. Сондай-ақ, 2 мыңнан астам жаңа жұмыс орны ашылады. Осыны ескере отырып, индустриялық аймаққа Ресей Федерациясынан, Орталық Азия елдерінен компанияларды тарту мүмкіндіктерін қарастыра отырып, осы бағыттағы жұмысты күшейту қажет», — деді өз сөзінде облыс әкімі.
Халықтың барлық сұрақтарына тиісті мекеме өкілдері жауап берді. Бұл ретте Бейбіт Исабаев әрбір айтылған проблеманың негізгілерін тауып, оларды шешудің тиімді тәсілі қажет екенін атап өтті.
«Панфилов ауданы әсіресе ауыл шаруашылығы саласындағы болашағы зор аудандардың бірі. Мысалы, астық жүгері егістігі бойынша аудан облыста 1-ші орында. Бұл жалпы 44,1 мың гектардың 26,6 мың гектарын құрайды, аудандағы бақтардың жалпы ауданы 2,5 мың гектарға жетті. Қыркүйек айында мәслихат сессиясында бюджетті қайта қарайтын болады, өзекті мәселелерді кезең-кезеңімен шешу үшін Жаркент аймағына ерекше назар аударамыз», — деп сендірді облыс әкімі Бейбіт Исабаев.
Панфилов ауданына жұмыс сапарының екінші күні облыс әкімі Бейбіт Исабаев Жаркент крахмал-сірне зауытында, «Универсал» ЖШС полипропилен қаптарын шығаратын зауытта болды. Сондай-ақ, өңір басшысы ауылдық мәдениет үйінің жай-күйімен танысты.
Ал басқосудағы көтерілген келелі мәселелерді инфографикадан оқи аласыздар.
