Бүгін талғарлықтар алғаш рет қала әкімінің кандидатурасына өздері дауыс беріп жатыр. Олар: өзін-өзі ұсынған «Qazaqui» ЖШС-нің директоры Нұрбек Дәулетбақов, мемлекеттік қызметші Бахытжан Акбутаев, «Сейф-ломбард» ЖШС-нің менеджері Сапарбек Назарбаев және «Amanat» партиясынан Бақыт Күрішбеков.
Талғар ауданы әкімдігінің баспасөз қызметінің мәліметінше, қала бойынша 24 сайлау учаскесі бар. Қазіргі уақытта үміткерлердің 34 сенімді өкілдері мен 50 тәуелсіз байқаушылар сайлау барысын мұқият қадағалап отыр. Әзірге ешқандай заңбұзушылықтар орын алған жоқ.
Айта кету керек, сайлау таңғы 7-ден басталып 20:00-ге дейін жалғаспақ. Сонымен қоса, учаскеде заң бұзушылықтар туралы хабарлайтындарға тіпті 20 мыңнан 100 мың теңгеге дейін сыйақы қарастырылған.
