«Әзірге бұл ұсыныс басқа мемлекеттік органдармен талқыланып жатыр. «Орташа жылдамдық» жүйесі белгілі бір автотрассаның бойында «Сергек» камераларын орнатуды көздейді. Мысалы, Нұр-Сұлтан — Бурабай тасжолында екі жерге камера орнату жеткілікті болады. Бұл ретте, автокөлік белгілі бір учаскеден шектен асқан жылдамдықпен өтсе, жүргізушіге айыппұл туралы хабарлама келеді», — деді Жандос Мұратәлиев.
Еске салайық, қазіргі таңда балалардың жазғы демалысы мен жол қозғалысының жиілеуіне байланысты елде қауіпсіздік айлығы басталды. Әсіресе түнгі уақыттағы жол қозғалысына бақылау күшейтілді.
“Тек өткен демалыс күндері 80-нен астам жол-көлік оқиғасы болып, 20-дан астам адам қаза тапқан. Бірінші кезекте жолаушыларды тасымалдаумен айналысатын көлік құралдары тексеріледі. Яғни, автобустар, микроавтобустар, минивэндер, такси жүргізушілері. Осы жол апаттарын талдау нәтижесінде көргеніміздей, мысалы, бес орын қарастырылған жеңіл автокөлікте жеті-сегіз адам, бес ересек және екі-үш бала қаза тапқан», — деді Жандос Мұратәлиев.
Жол полициясы еліміздегі жол ережелерін сақтауда бірқатар шараларды күшейтуді жоспарлап отыр.
