Акция аясында Қонаев қаласындағы «Атамекен» кәсіпкерлер палатасының ғимаратында түзету мекемелерінде өндірілетін бұйымдар көрмесі ұйымдастырылды. Көрмеге түрмеде жазасын өтеп жатқан азаматтардың әртүрлі өндіріс тауарлары қойылған. Эксклюзивті өнімдерді көпшілікке ұсынудағы мақсат – өндіруші шеберлердің кәсібіне инвесторлар тартып, қаржы көзін табу.
Көрмеден киімдер мен аяқ киімдерді, ағаштан, былғарыдан, металлдан жасалған түрлі бұйымдарды көруге болады.
Қазіргі таңда Алматы және Жетісу облыстары бойынша жалпы саны 43 жеке кәсіпкерлік тіркелген. Аталған облыстар бойынша 1300-ге жуық сотталушы жұмыспен қамтылған. Мұнда еңбек кітапшасы мен еңбек келісім-шарты да заңды түрде рәсімделеді. Түзету мекемесінде жазасын өтеушілер арнайы 9 айлық техникалық колледжді оқып, сұранысқа ие мамандықтарды игеріп шыға алады.
