Барлық өзекті мәселелерді шешу бойынша арнайы жедел штаб жұмыс істеп жатыр. Егіс науқанының сәтті өтуі үшін барынша жағдай жасалған. Осы мақсатта барлық қажетті ресурстар жұмылдырылды.
Айта кетейік, биыл ауыл шаруашылығы дақылдарының ауданы 3,5 мың гектарға ұлғайып, 465,8 мың гектарды құрайды. Сондай-ақ картоп, қауын, көкөністер мол болады деген жоспар бар.
Ауыл шаруашылығы басқармасының мәліметтері бойынша осы жылға 127,3 мың тонна тұқым қажет. Қазіргі уақытта аудандардан алынған мәліметтерге сәйкес, экономикалық құрылымдар толығымен тұқыммен қамтамасыз етілген. Тыңайтқыштарға қатысты да мәселе шешілді.
Көктемгі егіс жұмыстарын жүргізу үшін Энергетика министрлігі 3920 тонна дизель отынын бөлді. Жеткізу операторлары Еңбекшіқазақ, Балқаш, Талғар аудандары бойынша «Астана Мұнай» ЖШС, Жамбыл, Райымбек, Кеген, Ұйғыр, Іле, Қарасай аудандары және Қонаев қаласы бойынша «Петрофон» ЖШС болып белгіленді.
Сонымен қатар, облыстың сұранысы бойынша ҚР Ауыл шаруашылығы және энергетика министрлігіне тағы 8080 тоннаға сұраныс жолданды. Бұл көлем егіс науқанын сәтті өткізу үшін қажет. Бүгінгі таңда барлық жанармай құю станцияларында операторлардың өз резервінен қажетті дизель отыны бар. Солярка өңірдің шаруа қожалықтарына тоннасына 202 теңгеден сатылады.
