«Бұған дене шынықтыру және спорт басқармасының бас маманын айыптау дәлел. Жеткізушінің өтініміне оң қарағаны үшін пара алған бас маманға 12 млн. теңге айыппұл түрінде жаза тағайындалды. Сондай-ақ облыстың әртүрлі аудандарында жеткізушілердің бір мезгілде қызмет көрсету фактісі анықталды», — дейді ҚР Сыбайлас жемқорлыққа қарсы іс-қимыл Агенттігінің Алматы облысы бойынша департаментінің басшысы Серік Орымбетов.
Мысалы, Алматы облысында «Айсұлу» ЖШС жаттықтырушысы құжаттарға сәйкес көркем гимнастикадан сабақты Ұзынағаш ауылында (Жамбыл облысы) және Есік қаласында (Талғар ауданы) өткізген. Алайда олардың арақашықтығы 100 шақырымнан астам. Бұл қызметтердің іс жүзінде орындалғанына күмән келтіреді.
Сонымен бірге, Алматы облысының Көші-қон полиция басқармасының мәліметі бойынша «АртСпорт» платформасында деректері жоқ немесе ата-анасының деректеріне сәйкес келмейтін 552 жеке сәйкестендіру нөмірі тіркелген. Салдарынан 13 млн. теңгеден астам залал анықталды.
Департаменттің ұсынымы негізінде дене шынықтыру және спорт басқармасымен аталған залалды өтеу бойынша шаралар қабылданып жатыр.
