«Қазақстан Республикасының Денсаулық сақтау министрлігі Түркия Республикасының Денсаулық сақтау министрлігімен тікелей байланыста және бірінші кезекте біз апаттан зардап шеккендерге медициналық және дәрілік жағынан көмек көрсетуге дайын екенімізді білдірдік. Қазіргі уақытта Түркияға Қазақстан ТЖМ Апаттар медицинасы орталығының медицина қызметкерлері бар құтқарушылар жасағы ұшып кетті», — деп жазды Денсаулық сақтау министрлігінің басшысы Ажар Ғиният Facebook парақшасында.
Ажар Ғиният атап өткендей, Түркиядағы жойқын жер сілкінісінің ауқымы мен адам шығыны бүкіл әлемді алаңдатты.
«Медицина қызметкерлері табиғи апат салдарынан қаза тапқан азаматтар үшін түрік халқымен бірге шын жүректен қайғырады. Үйінділерде қалған адамдарды тезірек құтқаруды, жараланғандарды сауықтыруды және қираған қалаларды қалпына келтіруді тілейміз», — деп жазды министр.
