Алматы облысы бойынша жұмыс сапары барысында ҚР Премьер-Министрі Әлихан Смайылов «Nauryz Agro KZ» ЖШС бройлерлік құс фабрикасының жұмысымен танысты.
2022 жылы іске қосылған құс фабрикасы жылына 15 мыңға дейін өнім шығаруға қабілетті. Барлық әлемдік стандарттарға сәйкес келетін кәсіпорынның өз инкубаторы бар және қазіргі уақытта ет өңдеу цехының құрылысын жүргізіп жатыр.
Әлихан Смайылов құс фабрикасы өңір экономикасы үшін ғана емес, қазақстандықтарды табиғи отандық азық-түлікпен қамтамасыз ету үшін де маңызды объект болып табылатынын атап өтті.
«Азық-түлік қауіпсіздігі-бүгінгі күннің басты міндеттерінің бірі. Облыс әкімдігі өз өнімдерінің бәсекеге қабілеттілігін және агроөнеркәсіп кешеніндегі жұмыспен қамту деңгейін арттыру үшін осындай жобаларға қолдау көрсетуі керек», — деді ол.
