«1974 жылы Қапшағайда балық өсіретін 2 шаруашылық ашылды. Шаруашылықта қызмет ететін мамандар екі ауыл болып, жүгін жинап, Батыс Қазақстаннан көшіп келген. Аталарымыз өндірісті дамыту үшін сондай тәуекелдерге барған. Балық шаруашылығын дамыту біздің де жоспарымызда бар», — деді облыс әкімі.
Оның айтуынша, келесі жылы балық шаруашылығын дамытуға ниетті азаматтарға 500 млн тг субсидия қарастырылады.
«Қазір кім қайда көшемін, қандай бизнеспен айналысамын десе де өз еркі. Біздің мақсатымыз — әр идеяға, старт-ап жобаларға мемлекеттік қолдау көрсету», — деді Марат Сұлтанғазиев.
Естеріңізде болса, Мемлекет басшысы Алматы облысына жасаған іс-сапары барысында 2030 жылға дейін балық өнімін 25 мың тоннаға жеткізу керектігін айтқан болатын.
Бұған дейін Қонаевта баррамунди балығын өсіретін зауыт салынып жатқанын жазғанбыз.
Қонаев қаласы маңында баррамунди балығын өсіретін зауыт салынып жатыр
