Алматы облысының инвестициялық форумы аясында тиісті меморандумға қол қойылды. Құжатқа Алматы облысының әкімі және «Оспанова Девелопмент» ЖШС директоры Максим Бектемісов қол қойды.
Инновациялық жоба озық австралиялық технология бойынша іске асырылатын болады. Өндіріс қуаттылығы бастапқыда 1 мың тоннаны құрайды, одан әрі 10 мың тоннаға дейін балық көлемі ұлғаяды.
Кәсіпорын бастапқыда нысанды пайдалануға беру кезінде басқа түрлерді енгізу мақсатында азиялық теңіз алабұғасын (баррамунди) өсіруді жоспарлап отыр. Балық өсіру үшін жабық сумен жабдықтау қондырғыларын қолдану табиғи жағдайлармен салыстырғанда 2-3 есе жоғары нәтиже алуға мүмкіндік береді.
Кешен қызметінің негізгі түрлері:
— жылына 10 000 тоннаға дейін бағалы, тез өсетін теңіз балықтарын өсіру;
— балықты қайта өңдеу;
— жем өндіру;
— дайын өнімді мұздату және сақтау;
— балық майы мен балық ұнын өндіру.
Жобаның жалпы құны 67,3 млрд теңгені құрайды. Жобаны қаржыландыру өз қаражаты есебінен (20%), сондай-ақ 10 жыл мерзімге банктің қарызы есебінен жүргізіледі.
Компания жобаны екі кезеңде жүзеге асыруды жоспарлап отыр:
— бірінші кезең — зауытты 2023 жылы іске қосу, қуаттылығы жылына 1 мың тонна балық,
— екінші кезең — 2024 жылы қуаттылықты 10 мың тоннаға дейін арттыру.
Зауыт Қонаев қаласында орналасады. Қазіргі уақытта ауданы 27 га жер учаскесінде жобаның жоспарлау жұмыстары басталды.
