«Соңғы уақытта шаһар көшелерінде, аулаларда жарық жоқтығына шағымданатын тұрғындар көбейді. Бұл шағымдар бойынша әр шағын ауданның бөлек тізімі жасалып, олқылықтардың орнын толтыру үшін бригадалар жұмыс істеп жатыр», — деді Марлан Жолдахмет.
Оның айтуынша, 2021 жылдан бастап қаланың ескі шамдары жаңа диодты шамдарға ауыстырылып жатыр.
«Былтырғы жылдың өзінде 400 шам ауыстырылды. Бұдан бөлек, жарық бағаналары орнатылып жатыр. Атап айтсақ, №18-ш/а-да – 80, №19 және №20-ш/а-да – 77, Рауан ш/а-да – 99, 4 және 7-саяжай массивіне барлығы 37 бағана қойылды», — деді әкім орынбасары.
Марлан Жолдахметтің мәліметіне сүйенсек, қазіргі таңда қаланың облыс орталығына айналуына байланысты шаһардың көптеген аудандарында құрылыс жүріп жатыр. Сол себепті абаттандыру жұмыстары аяқталған соң ғана қаланың жарық мәселесі өз шешімін табады.
