Баспасөз қызметінің ақпаратына сүйенсек, серіктестік басшысы Жарылқасын Болатұлы мұнда айына 20 млн теңгенің өнімін өндіруді жоспарлап отыр. Кәсіпорында 20 жұмыс орны құрылып, оған 5 млн теңге инвестиция тартылды.
Цех заманауи тігін құрал-жабдықтарымен қамтылған. Бұл жерде медицинада қолданылатын бір реттік бұйымдар, киімдер тігіледі.
«Бұл біздің алғашқы филиалымыз. Қазір біздің экспортқа, соның ішінде Ресейге жіберуге дайындайтын тапсырыстарымыз көп. Оны орындауға бір ғана Талдықорғандағы тігін фабрикасының күші жетпейді. Сондықтан облыстың әр ауданында филиалдар ашып, сол өңірдің әлеуметтік аз қамтылған тұрғындарын жұмыспен қамтуды мақсат етіп отырмыз», – деді Жарылқасын Болатұлы.
Сарыөзектегі тігін фабрикасының бір айлық қуаты 50 мың дана медициналық бұйымдар (бетперде, халат, комбинезон) мен 1 мың арнайы киім жиынтығын тігуге жеткілікті.
